Ի՞նչպես ներգրավվել
Կոալիցիային անդամակցելու կարգը
ԽԴՊՀՀԿ-ում նախատեսված է 2 տեսակի անդամակցություն. լիիրավ անդամ և աջակից անդամ։
Լիիրավ և աջակից անդամ կարող են լինել կազմակերպությունները և անհատները։
Կոալիցիային անդամակցելու համար կազմակերպությունները (իրավաբանական անձիք) և անհատները (ֆիզիկական անձիք) պետք է ներկայացնեն դիմում/հայտ:
Անդամության դիմումը ստանալուց հետո մեկամսյա ժամկետում Կոալիցիայի նախագահը շրջանառում է Կոալիցիայի անդամների շրջանում Կոալիցիայի անդամության համար դիմած ֆիզիկական կամ իրավաբանական անձի վերաբերյալ տեղեկատվությունը: Անդամության դիմումը ստանալուց հետո եռամսյա ժամկետում Կոալիցիայի Նախագահը հրավիրում է Արտահերթ ընդհանուր ժողով` դիմողին որպես Կազմակերպության աջակից անդամ ներգրավելու հարցը քննարկելու համար:
ԽԴՊՀՀԿ աջակից անդամ, իսկ սույն կարգի 7-րդ կետում նաև լիիրավ անդամ դառնալու հարցը լուծում է Ընդհանուր ժողովը` անդամների ընդհանուր թվի ձայների երկու երրորդով:
6 ամիս աջակից անդամ լինելուց հետո աջակից անդամի դիմումի հիման վրա մոտակա ընդհանուր ժողովի ժամանակ քննարկվում է աջակից անդամի լիիրավ անդամ դառնալու հարցը: Այս ժամանակահատվածում նրա աջակից անդամությունը երկարում է մինչև Ընդհանուր Ժողովի կողմից վերջնական որոշման կայացումը: Այս դեպքում լիիրավ անդամակցության կամ անդամակցության դադարեցման վերաբերյալ վերջնական որոշումը կայացնում է ԽԴՊՀՀԿ ընդհանուր ժողովը՝ Կոալիցիայի անդամների ձայների մեծամասնությամբ:
Անդամության կարգի հաստատման օրվանից առնվազն չորս ամիս առաջ Կոալիցիայի անհատ անդամ դառնալու ցանկություն հայտնած անձիք կարող են Կոալիցիայի Ընդհանուր Ժողովի որոշմամբ անմիջապես դառնալ Կոալիցիայի լիիրավ անդամ: