Մեր մասին

1. Խտրականության դեմ պայքարի արդյունավետ մեխանիզմների ջատագովություն․ Մենք պայքարում ենք Հայաստանում այնպիսի օրենքների և քաղաքականությունների ձևավորման համար, որոնք կերաշխավորեն, որ յուրաքանչյուր անձ պաշտպանված է խտրականությունից և կարող է հավասար հիմունքներով լիարժեք ներգրավվել հասարակությանը։ Մեզ համար առանցքային է Հայաստանում համապարփակ և արդյունավետ հակախտրականության օրենքի ընդունումը, ինչպես նաև կրթության, առողջապահության, աշխատանքի և սոցիալական պաշտպանության ոլորտներում հավասարություն և ներառականություն ապահովող մեխանիզմների ձևավորումը։

2. Հավասարության և ներառականության պատմույթի խթանում․ Մենք ձգտում ենք վերափոխել հասարակությունում տարածված խտրական և վնասակար նորմերը, համոզմունքները և պատմույթները՝ խթանելվ հանրային երկխոսությունը հավասարության, արդարության, ներառման և համերաշխության արժեքների շուրջ: Համագործակցելով մեդիայի, արվեստի և կրթության ոլորտի կառույցների հետ՝ մենք փորձում ենք պատկերացնել Հայաստանը առանց խտրականության և ցույց տալ քաղաքացիներին, թե ինչպես դա կնպաստի նրանց և նրանց հարազատների կյանքի որակի բարելավմանը։

3. Չներառված խմբերի և համախոհների զորեղացում․ Մենք աջակցում ենք այն կազմակերպություններին ու անհատներին, ովքեր աշխատում են իրենց համայնքները ավելի հավասար և ներառական դարձնելու համար։ Կարողությունների զարգացման և շահերի պաշտպանության միջոցով մենք զորեղացնում ենք խտրականացվող անձանց և խմբերին, որպեսզի նրանք կարողանան ազդել իրենց կյանքին վերաբերող որոշումների վրա։ Մենք նաև աշխատում ենք իրավաբանների, սոցիալական աշխատողների, լրագրողների, մանկավարժների և այլ մասնագիտական համայնքների հետ՝ նրանց ներգրավելու որպես հավասարության շարժման աջակիցներ: